बालसंरक्षण र सुरक्षाको परामर्शमार्फत परिवर्तन गर्ने स्थानीय विशेषज्ञताको विश्वव्यापी सञ्जाल ।

परामर्शको नमुनाः साथीदेखि साथीसम्म

ऋजष्मिज्यउभ ग्प् ले सँधै आफ्ना साझेदार संस्थाहरूसँग विविध प्रकारको सम्बन्ध विकास गर्न प्रयास गरेका छ । हाम्रो मुख्य काम आफ्नो उद्देश्य र कार्यसुची पूरा गर्न साझेदार संस्थाहरू पहिचान गर्नु भन्दा उनीहरूले काम गरिरहेको क्षेत्र र विषयमा क्षमता अभिवृद्धि गर्न सहयोग गर्नु रहेको छ । हाम्रा साझेदार संस्थाहरू अत्यन्तै जोखिममा परेका सीमान्तकृत बालबालिकाप्रति केन्द्रीकृत छन् जुन विषयमा अन्य संस्थाहरुले ध्यान दिन सकेका छैनन् । हामीले यिनै साझेदार संस्थाहरुको साथ र सहयोगमा जोखिम अवस्थामा रहेका बालबालिकासँग प्रभावकारी रूपमा काम गर्ने तरिकाहरू विकास गरेका छौँ । हामीले साझेदार संस्थाहरुको आफ्नै परिस्थिति र वातावरण अनुसारको सान्दर्भिक बाल संरक्षण नीति हुनुपर्दछ भनेर धेरै वर्षदेखि भनिरहेका छौँ र ती नीतिहरु बनाउन, सबलिकरण गर्न, नीतिहरुको पुनरावृत्ति गर्न र नीतिको कार्यान्वयन गर्न कर्मचारीहरुलाई तालिम दिने कार्यमा साझदार संस्थाहरुसँग काम गरेको छ ।

यसको अर्थ अहिले यी साझेदार संस्थाहरू बालसंरक्षण र सुरक्षासम्बन्धी सिप र क्षमताको सहितको तालिम प्राप्त गरी आफ्नै देश तथा क्षेत्रमा समान अवस्था भएका अन्य संस्थाहरुलाई तालिम प्रदान गर्न सक्षम छन् । साझेदार संस्थाहरु अन्य संस्थाहरूका लागि नियमित र उपयुक्त प्रकारको सहायताको विकास गर्न योग्य छन् । जुन देशहरूमा राम्रो बालसंरक्षण र सुरक्षाको अभ्यास कार्यान्वयन गर्न प्रयास गरिएको छ त्यहाँ वास्तवमा राम्रो बुझाई पनि रहेको छ । संरक्षण र सुरक्षा बालबालिका र वयस्कहरूको लागि एक मात्र राम्रो चीज हुन सक्छ जुन हामी सबैले यसैमा काम गरिरहेका छौँ ।

दक्षिण—दक्षिणको सञ्जालले गत बर्षबाट नै प्रभावकारी काम गरेको छ । सन् २०१८ मा ६ वटा देशका १३७ संस्थाहरुका ४३४ कर्मचारी लगायत संस्थाका सदस्यहरुलाई लागि तालिम प्रदान गरिएको थियो । करिब ६५,००० बालबालिका यस कार्यबाट लाभान्वित भएका छन् । यदि तपाईँ फरक तरीकाबाट बालसंरक्षण र सुरक्षा नीतिहरुको विकास गर्न चाहनु हुन्छ भने हामी तपाईलाई यस कार्यका लागि स्वागत गर्दछौँ ।

जिल हिले

कार्यकारी निर्देशक